Hy het min of meer dieselfde roete van Hondeklipbaai tot hier gevat, maar het iewers verkeerd afgedraai en verdwaal. Na ʼn paar uur besef hy, hy is op die verkeerde pad en met die omdraaislag in die bosse moes hy die band beskadig het. Dit was so erg dat hy vasgeval het en gelukkig het daar plaaswerkers opgedaag om hom met die omdraaislag te help. Hy is seker dis waar die pap band vandaan kom.
Die rooiwyn wat hy voorsit is nie jou gewone nie. Die man het of BAIE goeie smaak vir wyn of hy het geld. Ek geniet gereeld self ʼn goeie rooiwyn. Proe soos engeltjie piepie soos my oorlede pa sou sê, sag op die tong.
Gerhard is van Pretoria, het hier kom kop skoonmaak, so op sy eentjie. Weet nog nie waarheen nie en ook nie wanneer hy verder gaan reis nie. Ek kan met hom identifiseer, want dit is presies wat ek besig is om te doen. Reis ek weet nie waarheen nie en ook nie wanneer ek weer vertrek nie. So om die skaaptjops en braaibroodjie raak ons vriende met die Hollander en hoor van sy teleurstelling na sy vrou se dood, toe hy met die jong poppie trou wat BAIE van sy geld vir hom spandeer het. Gelukkig het hy gou agter gekom sy is lief vir sy geld en nie vir hom nie en die huwelik beëindig. Ek sou later eers uitvind wat die BAIE geld beteken wat sy spandeer het, dis genoeg om my pensioen te verdubbel !!
Dankie Hollies, ek geniet dit steeds!
Wow Hendrik. Dit is n amazing stories. Geniet dit baie. Fotos is baie mooi ! Mens se hart trek sommer n punt na die wye oop vlaktes.
Besig met die skryf van Kaokoland, toe ons julle by Rooidrom gekry het !!!