Die ablusie is ‘n entjie van ons af, baie netjies en ruim. Omdat die water met sonkrag verhit word, word daar vroegaand gestort!
Die braaiplek is skaars 4m van die rivier af en glo my, daar is min braaiplekke met hierdie uitsig! Barend en ek het genoeg hout aangekoop, gaan lekker braai en verseker bosveld TV kyk elke aand. As die son agter die berge wegraak, word die vuur aangesteek. Later braai ons ‘n vleisie en kuier lekker, met die waterval wat sagte agtergrond musiek verskaf. Om die kampvuur besluit ons om more die area te gaan verken en die waterval te gaan besoek.